5 сағат бұрын
Қазақстандық балуан моңғолиядағы турнирде алтын үшін белдесуде жеңіліп қалды
Фото:ҰОК
Моңғолияның Ұлан-Батыр қаласында күрес түрлерінен рейтингтік турнир өтіп жатыр.
Байрақты бәсекеде 61 келіде сынға түскен Асыл Айтқан шешуші сынға жолдама алған еді. Алайда ол алтын үшін тартыста үндістандық Дипактан 6:0 есебімен жеңілді.
Нәтижесінде отандасымыз күміс жүлдені қанағат тұтты.
Асыл Айтқан жарыс жолында ирандық Ахор Катериді 4:2 есебімен ұтқан. Ал жартылай финалда алаң қойжайыны Ганхулаг Батнасанды 3:2 есебімен басым түсті.
Айта кетейік, Асыл Айтқан 2024 жылғы Азия чемпионатының күміс жүлдегері.
Бұдан өзге дәл осы салмақта ел намысын қорғаған Әділет Әлмұхамед қола жүлде үшін күресте ресейлік балуанға жол берді.
Біздің серіктес: Olimpbet қосымшасын пайдалан
