3 сағат бұрын
Едіге Қасымбек моңғолиядағы турнирде күміс жүлде иеленді
Фото:ҰОК
Моңғолияның Ұлан-Батыр қаласында күрес түрлерінен рейтингтік турнир жалғасып жатыр.
Байрақты бәсекеде еркін күресте 125 келіге дейін салмақта сынға түскен Едіге Қасымбек күміс жүлде еншіледі.
Отандасымыз ақтық сында үндістандық Динешпен белдесті. Тартысқа толы бәсекеде Едіге Қасымбек 2:0 есебімен қарсыласына жол берді.
Айта кетейік, Динеш Данхар 25 жастағы балуан Азия чемпионатында екі рет қола жүлдеге ие болған. Ал Едіге Қасымбек 2025 жылы Болгарияның Самоков қаласында өткен U20 санатындағы Әлем чемпионатында алтыннан алқа таққан.
Біздің серіктес: Olimpbet қосымшасын пайдалан
