5 сағат бұрын
Қазақстандық балуандар рейтингтік турнирде алтынсыз қалды
Фото:ҰОК
Моңғолияның Ұлан-Батыр қаласында өткен халықаралық рейтингтік турнирде Қазақстан құрамасы 12 медаль жеңіп алды. Алайда, отандық балуандар бұл жолы алтын жүлдеге қол жеткізе алмады.
Еркін күресте Асыл Айтақын (61 кг), Азамат Дәулетбеков (92 кг) және Едіге Қасымбек (125 кг) күміс медаль иеленді. Ал Мейрамбек Қартбай (57 кг), Әділет Әлмұхамедов (61 кг), Шамсат Таир (79 кг) және Болат Сақаев (86 кг) қола жүлдегер атанды.
Грек-рим күресінде Нұрасыл Аманалы (97 кг) күміс медаль жеңіп алса, Еркебұлан Ардақов (63 кг) пен Олжас Сырлыбай (130 кг) қола медальға ие болды. Әйелдер күресінде Нилуфар Раимова (57 кг) мен Эльмира Сыздықова (76 кг) қола жүлде еншіледі.
Осылайша, Қазақстан құрамасы турнирді 3 күміс және 9 қола медальмен аяқтады.
Біздің серіктес: Olimpbet қосымшасын пайдалан
