Ризабек Айтмұқан АҚШ-та америкалық балуанды жеңді

Қазақстандық еркін күрес шебері Ризабек Айтмұқан АҚШ-тың Миссури штатындағы Сент-Луис қаласында өткен RAF 10 турнирінде жеңіске жетті.

Айтмұқан америкалық Хейден Зилльмермен белдесіп, 6:4 есебімен басым түсті. Кездесу аяқталғаннан кейін жергілікті жанкүйерлер қазақстандық балуанның жеңісіне наразылық білдірді.

Айта кетейік, Ризабек Айтмұқан – 2023 жылғы әлем чемпионы. Сондай-ақ ол Азия чемпионаттарында үш мәрте күміс жүлдегер атанған.

Ал оның қарсыласы Хейден Зилльмер АҚШ құрамасының тәжірибелі мүшесі саналады. 34 жастағы балуан ұлттық құраманың негізгі сапына жеті рет енген.

Біздің серіктес: Olimpbet қосымшасын пайдалан