Қазақстан жастар арасындағы Азия чемпионатында тағы үш медаль жеңіп алды

Таиландтың Паттайя қаласында өтіп жатқан 20 жасқа дейінгі жастар арасындағы Азия чемпионатында Қазақстанның еркін күрес құрамасы тағы үш жүлдеге қол жеткізді.

70 келіге дейінгі салмақ дәрежесінде Сұңқар Сейдахмет финалда үндістандық Сумит Кумар Лаксман Бхараскарға есе жіберіп, күміс медаль иеленді.

97 келіге дейінгі салмақта Самир Дурсунов шешуші белдесуде қытайлық Ян Юаньчуньнан жеңіліп, жарысты күміс жүлдемен аяқтады.

Ал 79 келіге дейінгі салмақта Айбек Қалиахмет қола медаль үшін өткен белдесуде өзбекстандық Амирбек Урдушевті жеңіп, Қазақстан қоржынына тағы бір жүлде салды.

Біздің серіктес: Olimpbet қосымшасын пайдалан