Қазыбек Қалмағамбетов әлем чемпионы атанды

Қазақстан құрамасы Братиславада (Словакия) өткен грек-рим күресінен жастар арасындағы әлем чемпионатын бір алтын медальмен аяқтады.

67 келіге дейінгі салмақта өнер көрсеткен Қазыбек Қалмағамбетов әлем чемпионы атанып, Қазақстан қоржынына жалғыз алтынды салды.

Жалпы командалық есепте Қазақстан жетінші орын иеленді.

Медальдық есепте Ресей құрамасы үш алтын, екі күміс және бір қола медальмен бірінші орынға шықты. Екінші орында — Әзербайжан (1 алтын, 1 күміс, 3 қола). Армения мен Өзбекстан құрамалары бірдей нәтижемен үшінші орынды бөлісті: бір алтын, бір күміс және екі қола медаль.

Біздің серіктес: Sport12kz