Қазақстан және Оңтүстік Корея күрес федерациялары меморандумға қол қойды

Жапонияның Нагоя қаласында өтіп жатқан Азия ойындары аясында Қазақстан күрес федерациясының төрағасы Еркін Оқасов Корея Республикасының күрес федерациясының президенті Ким Ик Хён және Корея спорт және олимпиада комитетінің президенті Ю Сын Минмен кездесті, деп хабарлайды Sport12.kz.

Кездесу аясында екі елдің күрес федерациялары арасында ынтымақтастық туралы меморандумға қол қойылды. Құжат өзара әріптестікті нығайтуға және күрес саласындағы байланысты жүйелі түрде дамытуға негіз қалайды.

Ким Ик Хён Корея Республикасының күрес федерациясын 2025 жылдан бері басқарып келеді. Бұған дейін ол аймақтық және мектеп спорты ұйымдарында қызмет атқарып, жас балуандарды даярлау мен балалар-жасөспірімдер күресін дамытуға атсалысқан. Спортшылар мен жаттықтырушыларды қолдау, жасөспірімдерді күреске тарту және халықаралық ынтымақтастықты кеңейту — оның қызметіндегі негізгі бағыттардың бірі.

Қазақстан мен Оңтүстік Корея федерацияларының әріптестікті ресми түрде бекітуі екі елдің күрес саласындағы тәжірибесін тоғыстырып, ортақ бастамаларды дамытуға мүмкіндік береді.

Біздің серіктес: Sport12kz