Қазақстандық жеңіл атлет Азия чемпионатында топ жарды

Қазақстандық жеңіл атлет Ұлболсын Есіркеп Ташкентте өтіп жатқан жеңіл атлетикадан ашық Азия чемпионатында жеңімпаз атанды.

Отандасымыз әйелдер арасындағы найза лақтыру сайысында үздік нәтиже көрсетіп, 38,85 метрге дейін лақтырды. Бұл нәтиже оған жарыстың алтын медалін алуға мүмкіндік берді.

Екінші және үшінші орындарды Өзбекстан құрамасының спортшылары иеленді. Анна Чикалова 35,08 метр нәтижемен күміс жүлдеге қол жеткізсе, Зульфия Иброгимова 35,06 метр көрсеткішпен үздік үштікті түйіндеді.

Осылайша, Ұлболсын Есіркеп Қазақстан құрамасына жарыстағы кезекті алтын медальді сыйлады.

Айта кетейік, Ташкенттегі ашық Азия чемпионаты 23-25 тамыз аралығында өтеді. Қазақстан құрамасы құрлықтың жетекші спортшыларымен бірге бәсекеге түсіп жатыр.

Бұған дейін ұлттық құраманың өкілі Давид Ефремов жарыстың қола жүлдесіне ие болған еді.

Біздің серіктес: Sport12kz