Алуа Балқыбекова Азия ойындарында 1/4 финалда жапониялық боксшымен кездеседі

Қазақстандық боксшы Алуа Балқыбекова (51 келі) 2026 жылғы Азия ойындарының ширек финалында кіммен кездесетіні белгілі болды, деп хабарлайды Sport12.kz.

Алуа енді 28 қыркүйек күні жапониялық Юна Нишинакамен шаршы алаңға шығады.

Отандасымыз алғашқы жекпе жегінде Сакши Чаудхариден (Үндістан) 3:2 есебімен басым түсті.

Алуа Балқыбекова 1996 жылы дүниеге келген. Қазірге дейін әлем чемпионатында алтын, күміс, қола медаль алса, екі мәрте Азия чемпионы атағын жеңіп алды.

Айта кетсек, бұдан бұрын қазақстандық боксшы Төрехан Сабырханның 2026 жылғы Азия ойындары ширек финалындағы қарсыласы анықталды.

Отандасымыз 28 қыркүйекте Ирак боксшысы Әли Әл-Сараимен шаршы алаңға шығады.

Азия ойындарында 21-26 қыркүйек аралығында алдын ала іріктеу кезеңі өтсе, 27-28 қыркүйекте ширек финал, 29-30 қыркүйекте жартылай финал болады. Финал 2 қазанға белгіленген.

Біздің серіктес: Sport12kz