Кержаков: «Қайраттың» басшылығы бапкерлік жұмысыма көп араласты

«Қайрат» футбол клубының бұрынғы бас бапкері Александр Кержаков командадан кетуінің себебін айтып берді.

— Мен егжей-тегжейлі баяндағым келмейді. Бірақ, мен үшін ең алдымен құрмет маңызды. Бәріміз де пендеміз. Бастықпын деп басынудың керегі жоқ. Клуб басшылығы бапкерлік жұмысыма көп араласты. Бапкер мен басшылық арасында өзара талқыланатын мәселелер болады. Алайда киім ауыстыратын бөлмеге кіріп, бәрімізге талап қоюы дұрыс емес,— деді Александр Кержаков.

Еске салсақ, Ресей құрамасының бұрынғы шабуылшысы Александр Кержаков «Қайраттың» бас бапкері қызметінен өткен жылдың қыркүйек айында кеткен болатын.

Біздің серіктес: Olimpbet қосымшасын пайдалан