Әлемдік футбол жұлдыздары 26 тамызда Өзбекстанға барады

Өзбекстан футзал федерациясының мәліметінше, 26 тамыз күні Ташкентке бірқатар әйгілі футбол жұлдыздары келеді, деп хабарлайды sport12.kz.

Федерация келетін ойыншылардың тізімін жариялады:

• Дида – Әлем чемпионы, «Милан» сапында УЕФА Чемпиондар лигасының екі дүркін жеңімпазы.
• Роберто Карлос – әлемдегі үздік сол қаптал қорғаушыларының бірі, қуатты соққыларымен танымал, Әлем чемпионы, УЕФА Чемпиондар лигасының үш дүркін жеңімпазы.
• Фабио Каннаваро – Әлем чемпионы, «Алтын доп» иегері, 2006 жылы әлемнің үздік ойыншысы атанған жалғыз қорғаушы.
• Марко Матерацци – Әлем чемпионы, УЕФА Чемпиондар лигасының жеңімпазы.
• Майкон – «Интердің» аңыз қорғаушысы, УЕФА Чемпиондар лигасының жеңімпазы.
• Кристиан Заккардо – 2006 жылғы Әлем чемпионы, итальяндық қорғаушы.
• Кларенс Зеедорф – «Милан» аңызы, үш түрлі клубтың сапында Чемпиондар лигасын жеңген жалғыз ойыншы.
• Серджиньо – «Миланның» сол қаптал қорғаушысы, нәтижелі пас берудегі шеберлігімен белгілі.
• Франк Рибери – «Бавария» аңызы, УЕФА Чемпиондар лигасының жеңімпазы.
• Кевин Курани – Германия құрамасының бұрынғы шабуылшысы, «Шальке-04» клубының аңызы.

Атақты футболшылар 26 тамызда Humo Arena спорт кешенінде өтетін «BMB» мен «Oil Star» арасындағы футзалдан Өзбекстан Суперкубогы-2025 матчы аясында жанкүйерлермен кездеседі.

Сонымен қатар 27 тамыз күні бірнеше матч жоспарланған. Оның ішінде Өзбекстан құрамасы мен World Football Legends командасы арасында жолдастық кездесу де бар. Матчтың басталу уақыты мен орны кейін хабарланады.

Біздің серіктес: Sport12kz