Маркус Рашфорд «Барселона» тарихына енді

Ағылшын шабуылшысы Маркус Рашфорд «Барселона» тарихына өз атын жазды. Ол 1989 жылдан бері каталондық клуб сапында еурокубокта гол соққан алғашқы ағылшын футболшысы атанды, деп хабарлайды Sport12.kz.

Чемпиондар лигасының топтық кезеңіндегі 1-тур матчында «Ньюкаслға» қарсы кездесуде (2:1) 27 жастағы шабуылшы дубль жасап, 58-ші және 67-ші минуттарда көзге түсті. Бұл Рашфордтың «Барселона» жейдесіндегі алғашқы голдары болды.

Соңғы болып ағылшын ойыншылары арасынан 1989 жылы Гари Линекер УЕФА кубок иегерлері кубогында «Барселона» үшін гол соққан еді.

Еске салсақ, қазіргі Чемпиондар лигасының жеңімпазы – «Пари Сен-Жермен». Париждік клуб былтырғы маусым финалында миландық «Интерді» 5:0 есебімен ойсырата жеңген болатын.

Біздің серіктес: Sport12kz