Мбаппенің алаңға қашан оралатыны белгілі болды

Мадридтің Реал Мадрид клубының француз шабуылшысы Килиан Мбаппе алаңға қайта оралуға жақын. Ол УЕФА Чемпиондар лигасы аясында Манчестер Ситиге қарсы 1/8 финалдың қарымта матчына команда өтініміне енуі мүмкін.

Журналист Фабрис Хоукинстің мәліметінше, футболшының жағдайы жақсарған. Сондықтан ол Англияда өтетін ойынға қатысуы мүмкін. Кездесу Қазақстан уақыты бойынша 17-сінен 18 наурызға қараған түні өтеді.

Жақын күндері Мбаппе Мадридте медициналық тексерістен өтеді. Сол тексерістің нәтижесіне қарай оның матчқа қатысуы жөнінде соңғы шешім қабылданады.

Сондай-ақ шабуылшы алдағы уақытта Франция ұлттық футбол құрамасы сапындағы ойындарға да қатысуы мүмкін екені айтылды.

Еске салайық, Чемпиондар лигасының 1/8 финалындағы алғашқы матчта Реал Мадрид өз алаңында Манчестер Сити клубын 3:0 есебімен жеңген. Мбаппе тізесіндегі мәселеге байланысты бірнеше ойынды өткізіп алды.

Біздің серіктес: Olimpbet қосымшасын пайдалан