«Қайсар» бас бапкерге қатысты мәлімдеме жасады

Қызылордалық «Қайсар» командасы бас бапкер қызметіне үміткерлер жайында тараған ақпараттардың шындыққа сай келмейтінін мәлім етті, деп хабарлайды Sport12.kz.

Бұл жөнінде команданың баспасөз қызметі мәлім етті.

- Республикалық спорт порталдарында бас бапкерге қатысты тараған ақпараттардың негізсіз екенін хабарлаймыз. «Қайсар» футбол клубы қазіргі таңда ешбір бапкермен келіссөз жүргізіп жатқан жоқ. Клубтың ресми ақпарат көздеріне сенулеріңізді сұраймыз, - деп жазылған хабарламада.

Айта кетсек, бұдан бұрын қызылордалық клубқа болгариялық Стамен Бельчев, Николай Костов, украиналық Андрей Демченко бас бапкер қызметіне келуі мүмкін деген ақпарат тараған еді.

Бүгін қызылордалық клуб Қазақстан кубогы 1/8 финалында өз алаңында Қостанайдың «Тобылын» қабылдайды.

Команда ел біріншілігінде сәтсіз ойнап келеді. Турни кестесінде 6 ұпаймен 15-орында тұр.

Біздің серіктес: Olimpbet қосымшасын пайдалан