ҚПЛ: «Алтай» өз алаңында алғаш рет жеңіске жетті

Қазақстан Премьер-лигасында ХVІ турында өскемендік «Алтай» өз алаңында «Тобыл» (Қостанай) командасын қабылдады, деп хабарлайды Sport12.kz.

Кездесу барысында командалар жылдам гол соғу мүмкіндігін іздеді. Дегенмен бірінші кезеңде есеп ашылған жоқ.

Ойынның 49-минутында «Алтай» сапынан Элгуджа Лобжанидзе өз командасын алға шығарды. Одан кейін қостанайлық клуб таразы басын теңестіруге ұмтылды. Дегенмен діттеген мақсатына жете алған жоқ.

Осылайша олар қарсыласынан 1:0 есебімен басым түсіп, турнир кестесінде 13 ұпаймен он төртінші орынға көтерілді.

Дәл қазір бұл турда «Қызылжар» (Петропавл) - «Елімай» (Семей) кездесуі өтіп жатыр. Әзірге есеп - 0:0.

Ал кеше, 3 шілдеде елордалық «Астана» өз алаңында сол қаланың тағы бір өкілі «Жеңісті» 1:0 есебімен жеңді.

Бұл - өскемендік команданың биылғы біріншіліктені екінші жеңісі. Олар бұдан бұрын сырт алаңда Петропавлдың «Қызылжарын» 2:1 есебімен қапы қалдырған еді.

Алдағы ойындар кестесі

5 шілде

19:00. «Атырау» - «Каспий»

19:00. «Ақтөбе» - «Жетісу»

20:00. «Қайсар» - «Ертіс»

20:00. «Ордабасы» - «Ұлытау».

Бұл турдағы алдын-ала 27 маусымда өткізілген ойында көкшетаулық «Оқжетпес» өз алаңында «Қайратқа» 1:3 есебімен есе жіберді.

Айта кетсек, қазақстандық жартылай қорғаушы Зикрилло Султаниязов Павлодардың «Ертіс» командасына ауысуға жақын.

Біздің серіктес: Olimpbet қосымшасын пайдалан