Футболдан Бірінші лигада «Қайрат-2» ешкімге дес берер емес

Бүгін футболдан Бірінші лига командалары арасындағы Қазақстан чемпионатының ХІV туры мәресіне жетті, деп хабарлайды Sport12.kz.

Бұл турдағы екінші ойын күні, 17 шілдеде тағы үш ойын өткізілді. Алматылық «Қайрат-2» командасы өз алаңында ақтаулық «Каспий-2» командасын қабылдаған еді. Кездесу барысында ақтаулық командадан Жанер Жазмағамбетов 16-минутта автогол авторы атанса, одан кейін алматылық клубтан Кәрім Махаметжан 26-минутта пенальтиден есепті үстемелей түсті.

Екінші кезеңде Евгений Петрик 49, 71-минутта екі гол соқса, одан кейін Абылайхан Төлеухан 76, Әкежан Каликулов 94-минутта мергендік танытты.

Осылайша «Қайрат-2» қарсыласынан 6:0 есебімен басым түсіп, турнир кестесінде бірінші орынға көтерілді. Олар қатарынан 12 мәрте жеңіске жетті.

Ойындар нәтижесі

16 шілде

«Батыр» (Павлодар облысы) - «Шахтер» (Қарағанды) 0:2

«Арыс» (Түркістан облысы) - «Тұран» (Түркістан) 0:4

«Тараз» - «Ақтөбе-2» 1:1

«Хан тәңірі» (Алматы) - «Елімай-2» (Семей) 0:1

Енді 17 шілдеде аталған турда тағы екі ойын өткііледі.

17 шілде

«Қайрат-2» (Алматы) - «Каспий-2» (Ақтау) 6:0

«Тобыл-2» (Қостанай) - «Академия Оңтүстік» (Шымкент) 2:3

«Астана-2» - «Жайық» (Орал) 1:0.

Былтыр Бірінші лигада алғашқы үш орынға ие болған «Каспий» (Ақтау), «Ертіс» (Павлодар), «Алтай» (Өскемен) командалары Премьер-лигаға тікелей жолдама алды. Ал Премьер-лигада соңғы орынды місе тұтқан «Тұран» биыл бірінші лигада сынға түсіп қалды.

Еске салсақ, бұдан бұрын Қазақстан UEFA коэффициенттер кестесінде 36-орнын сақтап қалды.

Біздің серіктес: Olimpbet қосымшасын пайдалан