6 сағат бұрын
«Омония» - «Қайрат» кездесуінің бірінші кезеңі аяқталды
Фото: «Қайрат» футбол клубы
Футболдан UEFA Чемпиондар лигасының екінші іріктеу кезеңінде «Омония» (Никосия, Кипр) - «Қайрат» (Алматы, Қазақстан) кездесуінің бірінші кезеңі аяқталды, деп хабарлайды Sport12.kz.
Бірінші кезеңде кипрлік клуб сапынан Панайотис Андреу 13-минутта есеп ашты. Ойынның 33-минутында олардың қатарынан Лоик Него қызыл қағазбен алаңнан қуылды.
Кездесуде бас төреші міндеті португалиялық Густаво Коррееге жүктелген. Оған отандастары Андре Диаш пен Андрея Соуза көмектеседі. Төртінші төреші міндетін сол елдің өкілі Жозе Бесса атқарады.
Бұл командамен алматылық команданың жолы бұдан бұрын 2021/2022 жылғы маусымда Конференция лигасы топтық кезеңінде түйіскен еді. Ол жолы екі кездесуде де 0:0 есебі тіркелді.
Біздің серіктес: Olimpbet қосымшасын пайдалан
