6 сағат бұрын
Абат Айымбетовке Қазақстаннан тағы қандай команда ұсыныс білдірді?
Фото: ҚФФ
Қазақстан құрамасының шабуылшысы Абат Айымбетов Қазақстан Премьер-лигасына оралмас бұрын тек «Ақтөбеден» емес, қарағандылық «Шахтерден» бде ұсыныс түскені белгілі болды, деп хабарлайды Sport12.kz.
Бұл жөнінде спорт журналисі Эльдар Аманбаев жазды.
- Менің ақпаратым бойынша, қарағандылық клуб жазғы трансферлік терезе кезінде 30 жастағы форвардқа ұсыныс білдірді. «Кеншілер» футболшыға ұзақ мерзімді келісімшарт ұсынды және мәміле жасауға байсалды болды. Нәтижесінде Айымбетов «Ақтөбенің» пайдасына таңдау жасады. Негізгі себептердің бірі шабуылшы табиғи көгалда көбірек ойнауды дұрыс көрді. Бұл түпкілікті шешім қабылдауда маңызды рөл атқарды, - деп жазды ол.
Айымбетов – «Ақтөбе» футбол мектебінің түлегі. Ол кәсіби мансабын дәл осы клубта бастап, Қазақстан Премьер-лигасында алғаш рет осы команданың жейдесінде өнер көрсеткен.
Шабуылшы 2026 жылдың ақпан айынан бері Румынияның «Петролул» клубында ойнады. Онда ел чемпионатында сегіз матч өткізіп, бір голдың авторы атанды.
Айта кетейік, ҚПЛ-2026 маусымының 17 турында «Ақтөбе» 25 ұпай жинап, турнирлік кестеде жетінші орында келеді.
Біздің серіктес: Olimpbet қосымшасын пайдалан
