«Қайрат» енді Еуропа лигасында сынға түсетін болды

Алматылық «Қайрат» футболдан UEFA Чемпиондар лигасының үшінші іріктеу кезеңінде Болгарияның «Левски» (София) командасына есе жіберіп, жарысты ерте аяқтады, деп хабарлайды Sport12.kz.

Алғашқы ойында қазақстандық команда қарсыласына 0:1 есебімен есе жіберген еді. Сондықтан бүгінгі матчта олар кем дегенде екі кездесудің қорытындысымен бір гол соғуы тиіс еді.

Сондықтан алғашқы минуттан «Қайрат» алға қарай ұмтылды. Оған болгариялық команда лайықты төтеп бере білді. Есесіне 13-минутта алматылық ұжым өз қақпасына гол жіберіп алды. Оны Рейналдо 17-минутта өзінің еншісіне жазды.

Екінші кезеңде қазақстандық команда белсенділікті арттырды. Көбірек шабуылға көңіл бөлгенмен, дегеніне жете алмады.

Осылайша «Қайрат» қарсыласына 0:1 есебімен жеңіліп, жарыс жолынан шығып қалды. Енді олар Еуропа лигасы плей-офф кезеңінде ПАОК (Грекия) - «Андерлехт» (Бельгия) жұбының жеңімпазымен ойнайды. Бұл жұпта сырт алаңда бельгиялық клуб 1:0 есебімен басым түскен еді.

Ал «Левски» Чемпиондар лигасы плей-офф кезеңінде Грекияның АЕК клубымен шеберлік байқасады.

Айта кетсек, енді Конференция лигасы үшінші іріктеу кезеңінде қостанайлық «Тобыл» өз алаңында Сербияның «Партизан» клубымен ойнайды. Алғашқы ойында қазақстандық команда қарсыласына 0:3 есебімен жеңіліп қалды.

Біздің серіктес: Sport12kz