Босниялық маман «Жеңістің» бапкерлер құрамына қосылды 

«Жеңіс» футбол клубы босниялық маман Омер Йолдичтің бас бапкердің көмекшісі қызметіне тағайындалғаны туралы ресми түрде жаряи етті, деп хабарлайды Sport12.kz.

Босния және Герцеговина ұлттық құрамасындағы ойындары мен босниялық «Железничар», ресейлік «Сатурн» клубтарындағы өнері арқылы футбол жанкүйерлеріне жақсы таныс Омер енді «сары-қаралардың» бапкерлік штабына қосылады. 49 жастағы тәжірибелі маман «Железничардың» жастар командасын басқарған кезде ел чемпионы атанған және УЕФА Жастар лигасында бақ сынаған.

Ол өзінің бапкерлік жолын босниялық «Железничар» жүйесінде бастаған. Сондай-ақ «Босна Високо» клубының бас бапкері және «Железничардың» негізгі командасында көмекші бапкер ретінде жұмыс істеу тәжірибесі бар. Оның бойындағы футболдағы үлкен тәжірибесі мен UEFA Pro бапкерлік лицензиясы ортақ мақсаттарымызға жетуге көмектесері сөзсіз.

Еске салсақ, елордалық «Жеңіс» клубының бас бапкері Әли Әлиев қызметінен кетті.

Біздің серіктес: Sport12kz