«Қайрат» - «Ұлытау» матчы жабық режимде өтеді

Қазақстан Премьер-лигасы 9-турындағы «Қайрат» (Алматы) - «Ұлытау» (Жезқазған) матчы 15 тамыз күні сағат 18:00-де Т. С. Сегізбаев атындағы «Қайрат» ФК Академиясының алаңында өтеді, деп хабарлайды Sport12.kz.

Бұл жөнінде команданың баспасөз қызметі мәлім етті.

Матчтың өту орны Орталық стадионда концерттен кейін демонтаж жұмыстары жүргізілуіне байланысты өзгертілді.

Инфрақұрылымдық шектеу мен трибуналардың сыйымдылығы төмен болуына байланысты матч жабық режимде болады.

Еске салсақ, алматылық «Қайрат» футболдан UEFA Чемпиондар лигасының үшінші іріктеу кезеңінде Болгарияның «Левски» (София) командасына есе жіберіп, жарысты ерте аяқтады.

Біздің серіктес: Sport12kz