Қазақстан алғаш рет CP Football-дан әлем чемпионатына қатысады

Қазақстан құрамасы алғаш рет CP Football-дан IFCPF Men’s World Championships 2026 әлем чемпионатына қатысады, деп хабарлайды Sport12.kz.

Бұл Қазақстандағы CP Football дамуы үшін тарихи оқиға.

Турнир 15-24 тамыз аралығында Англияның Лафборо қаласында өтеді. Топтық кезеңде Қазақстан құрамасы Италия, Кения және АҚШ командаларымен кездеседі.

Турнир алдында ұлттық құрама 13-15 тамыз аралығында Астанада қорытынды оқу-жаттығу жиынын өткізуде. Жиын барысында күніне екі жаттығу сессиясы және әлем чемпионатына дайындықты қорытындылауға бағытталған теориялық сабақтар ұйымдастырылуда.

Жиын кезінде Қазақстан футбол федерациясының Бас хатшысы Скотт Манн ойыншылармен және жаттықтырушылар штабымен кездесіп, командаға турнирде сәттілік тіледі және федерация тарапынан қолдау көрсетілетінін атап өтті.

Қазақстан құрамасы үшін әлем чемпионаты әлемдік аренадағы алғашқы жарыс болмақ. Бұл командаға халықаралық тәжірибе жинап, ел намысын CP Football-дың ең жоғары деңгейінде қорғауға мүмкіндік береді. Сонымен қатар турнир отандық парафутболды дамыту жолындағы маңызды қадам саналады.

Оқу-жаттығу жиыны аяқталғаннан кейін команда Англияға аттанады.

Еске салсақ, «Атырау» ойыншыларға берешек болып қалды.

Біздің серіктес: Sport12kz