Виктор Мозес «Қайсардың» Қазақстан кубогы финалынан не күтетінін айтты

«Қайсар» командасының шабуылшысы Виктор Мозес футболдан Қазақстан кубогы жартылай финалындағы елордалық «Жеңіспен» кездесуден кейін әлеуметтік желіде жазба жариялады, деп хабарлайды Sport12.kz.

Англия Премьер-лигасының бұрынғы жұлдызы инстаграм-аккаунтында ойыннан кейінгі әсерімен бөлісті.

«Қандай керемет кеш. Үздік командалық жұмыс кубок финалына жол ашты. Енді соңғы қадам қалды. Біз бірге күресеміз, біз бірге сенеміз. Біз финалға барамыз», - деп жазды ол.

Айта кетсек, қызылордалық «Қайсар» екі ойынның нәтижесімен «Жеңісті» қапы қалдырып кетті. Алғашқы ойында олар қарсыласын 3:1 есебімен жеңсе, қарымта кездесуде 2:3 есебімен жол берді. Екі ойынның нәтижесімен олар 5:4 есебімен алда болып, финалға жолдама алды.

Қызылордалық клуб финалда шымкенттік «Ордабасымен» шеберлік байқасады.

Біздің серіктес: Sport12kz