«Тобыл» - «Қайсар» кездесуі қашан басталады?

Футболдан Қазақстан Премьер-лигасының ХХІ турындағы «Тобыл» (Қостанай) мен «Қайсар» (Қызылорда) арасындағы кездесудің қай уақытта басталатыны белгілі болды, деп хабарлайды Sport12.kz.

Бұл жөнінде нақты ақпарат Kffleague.kz сайтында жарияланды.

Кездесу 25 тамызда Қостанай қаласындағы орталық стадионда Қазақстан уақытымен 19:00-де басталады.

Биылғы біріншілікте екі команда арасында 17 мамырда Қызылордада өткен кездесуде «Қайсар» 2:1 есебімен басым түскен еді. Қазір турнир кестесінде «Тобыл» 26 ұпаймен тоғызыншы орында тұрса, «Қайсар» 20 ұпаймен он үшінші орында келеді.

Бұл кездесу қостанайлық клубтың Конференция лигасы үшінші іріктеу кезеңіндегі Сербияның «Партизан» клубымен қарымта кездесуіне байланысты кейінге шегерілді. Олар аталған қарсыласына екі кездесудің нәтижесімен (0:3, 1:2) есе жіберген еді.

ХХІ турдағы өзге ойындарда «Ақтөбе» мен «Атырау», «Каспий» (Ақтау) мен «Ұлытау» (Жезқазған) 1:1 есебіне қанағат білдірсе, елордалық «Астана» Көкшетаудың «Оқжетпесінен» 2.1, Семейдің «Елімайы» Павлодардың «Ертісінен» 3:1, Шымкенттің «Ордабасы» клубы талдықорғандық «Жетісудан» 4:0 есебімен басым түсті.

Ал «Алтай» (Өскемен) - «Қызылжар» (Петропавл) кездесуінде 2:2 есебі тіркелген еді. Дегенмен талаптардың сақталмауына байланысты петропавлдық клубқа 0:3 есебімен техникалық жеңіліс жазылды. Сондай-ақ бұл турдағы «Қайрат» (Алматы) - «Жеңіс» (Астана) кездесуі 9 қыркүйек күні өткізіледі.

Еске салсақ, Қазақстан футбол федерациясының төрешілік және инспекциялау департаменті 2026 жылғы Премьер-лиганың 21-турынан кейінге шегерілген «Тобыл» — «Қайсар» матчының төрешілер құрамын анықтады.

Біздің серіктес: Sport12kz