Стас Покатиловтың «Сабах» командасы Чемпиондар лигасы негізгі кезеңінде ойнайды

Қазақстандық қақпашы Стас Покатилов ойын көрсететін Әзербайжанның «Сабах» футбол командасы Чемпиондар лигасы негізгі кезеңіне жолдама алды, деп хабарлайды Sport12.kz.

Әзербайжандық команда плей-офф сатысының қарымта ойынында Израильдің «Хапоэль» (Безр-Шева) командасынан 5:2 есебімен басым түсті. «Сабах» сапында Стас Покатилов алғашқы минуттан жасыл алаңға шықты.

Алғашқы кездесуде израильдік клуб 2:1 есебімен жеңген еді. Екі ойынның қорытындысымен әзербайжандық клуб 6:4 есебімен жеңіске жетіп, негізгі кезеңге жолдама алды.

Айта кетсек, алматылық команда еурокубоктағы жорығын алдымен Чемпиондар лигасында бастап, алғашқы екі іріктеу кезеңінде Черногорияның «Сутьеска» клубынан (2:1, 2:0), Черногорияның Кипрдің «Омония» (1:0, 0:1, пенальтиден 6:5) клубтарын қапы қалдырған еді. Одан кейін Болгарияның «Левски» командасына (0:1, 0:1) жол берді.

Сондай-ақ, алматылық клуб өткен маусымда Чемпиондар лигасының негізгі кезеңінде Португалияның «Спортинг» (1:4), Испанияның «Реал Мадрид» (0:5), Италияның «Интер» (1:2), Грекияның «Олимпиакос» (0:1), Данияның «Копенгаген»(2:3), Бельгияның «Брюгге» (1:4), Англияның «Арсенал» (2:3) клубтарына жол берсе, Кипрдің «Пафосымен» 0:0 есебімен тең түскен еді.

Біздің серіктес: Sport12kz