Вячеслав Эрбес Дастан Сәтпаевтың болашағын болжады

Қазақстан құрамасының бұрынғы ойыншысы Вячеслав Эрбес қазақстандық шабуылшы Дастан Сәтпаевтың Англияның «Бернли» сапындағы ойын деңгейін бағалады, деп хабарлайды Sport12.kz.

- Сәтпаев «Бернли» құрамында төрт ойын өткізді. Оның үшеуі бастапқы құрамда шықты. Ол өз ойыны үшін негізінен тек оң баға алады. Бас бапкердің сұхбатына сүйене отырып, олардың Дастанға риза екенін байқап отырмыз. Менің ойымша, оған басшылықтың жоспары бар. Сәтпаев ойын тәжірибесін одан әрі арттыра түседі, -деді маман.

Еске салсақ, чемпионаттың төртінші турында Бернли «Мидлсбромен» 1:1 есебімен тең түсті. Дастан Сәтпаев бастапқы құрамда шығып, 80-минутта ауыстырылды. Матч қорытындысы бойынша отандасымыз кездесудің үздік ойыншысы болып танылды.

Біздің серіктес: Sport12kz