ҚФФ селекционерлері ҚФФ Жастар чемпионатын бақылайды

Қазақстан футбол федерациясы 2013 жылы туған ойыншылардан құралған футбол клубтарының жасөспірімдер командалары арасындағы Қазақстан Республикасы чемпионаты – «ҚФФ Жастар чемпионатының» финалдық кезеңіне жаттықтырушы-селекционерлер тобын жіберді, деп хабарлайды Sport12.kz.

Ойыншыларды бақылау 5-17 қыркүйек аралығында Өскемен, Шымкент, Петропавл және Алматыда өтуде.

Алаңдағы жұмысты жаттықтырушы-селекционерлер И. Азовский, В. Никитенко, С. Пак және И. Шпанёра жүргізеді. Олардың міндеті – Қазақстан жасөспірімдер құрамаларына үміткер ретінде қаралатын әлеуеті жоғары футболшыларды іздеу, талдау және іріктеу.

Селекциялық жұмыс турнирдің бүкіл финалдық кезеңін қамтиды. Жаттықтырушылар ойыншыларды тікелей матчтар барысында бағалап, олардың жеке сипаттамаларын тіркейді және үміткерлердің кеңейтілген тізімін қалыптастырады. Бақылау қорытындысы бойынша іріктелген футболшылар ҚФФ Академиясындағы селекциялық оқу-жаттығу жиынына шақырылады.

«ҚФФ Жастар чемпионаты» – футбол клубтарының жасөспірімдер командалары арасындағы Қазақстан Республикасы чемпионаты. Бұл академия ойыншылары үшін негізгі жарыс алаңдарының бірі әрі елдің жасөспірімдер құрамаларын толықтырудың басты көздерінің бірі.

Айта кетсек, қазақстандық бапкер Асқар Қожабергенов Қызылорданың «Қайсар» командасы бас бапкерінің кеңесшісі қызметіне келуі мүмкін.

Біздің серіктес: Sport12kz