Қазақстан U-21 жастар құрамасы Англияда дайындығын пысықтады

Қазақстан жастар құрамасы Англиядағы «Уикомб Уондерерс» футбол клубының базасында қорытынды жаттығуын өткізіп, Вулверхэмптон қаласына аттанды, деп хабарлайды Sport12.kz.

Англия U-21 құрамасына қарсы ойын 2️ күннен кейін, 25 қыркүйекте Вулверхэмптон қаласындағы «Молине» стадионында Қазақстан уақытымен 23:30-де басталады.

Қазақстан U-21 құрамасының бас бапкері Владимир Чебурин 2027 жылы өтетін Еуропа чемпионатына іріктеудің сырттағы матчтарына шақырылған футболшылар тізімін жариялады.

ЕУРО-2027 іріктеу кезеңі аясында Қазақстан құрамасы қатарынан үш ойынды сырт алаңда өткізеді. Алғашқы матчты жастар құрамасы 25 қыркүйекте Вулверхэмптон қаласындағы атақты «Молинью» стадионында Англия құрамасына қарсы өткізеді.

Ойыншылар тізімі:

Қақпашылар: Саятхан Құсайынов («Тұран»), Шерхан Қалмұрза («Қайрат»), Мирас Рихард («Ертіс»).

Қорғаушылар: Сұлтан Асқаров, Саламат Жұмабеков (екеуі де - «Қайсар»), Санжар Әнуаров («Астана»), Әли Тұрғанов («Ордабасы»), Рамазан Кәрімов, Сағи Мәлікайдар (екеуі де – «Ертіс»), Сергей Иванов («Алтай»).

Жартылай қорғаушылар: Сэйф Попов («Алтай»), Ахметали Қалтанов («Астана»), Жансұлтан Мұхамедханов («Оқжетпес»), Мұхамедәлі Әбіш, Олжас Байбек («Қайрат»), Мирас Оматай («Елімай»), Әбинұр Нұрымбет («Ордабасы»), Никита Губарев («Қызылжар»)

Шабуылшылар: Мағжан Тоқтыбай («Ордабасы»), Мақсат Абраев («Астана»), Мансұр Бірқұрманов («Қайрат»), Артем Литош («Шахтер»), Ян Труфанов («Атырау»).

Одан кейін 29 қыркүйекте Владимир Чебуриннің шәкірттері Ирландияға аттанып, Корк қаласындағы «Тернерс Кросс» стадионында алаң иелерімен кездеседі. Ал ойындар сериясы 6 қазанда Молдованың Ниспорены қаласында жергілікті құрамамен «Ниспорены Центральный» стадионында өтетін матчпен аяқталады.

Біздің серіктес: Sport12kz