Джон ван ’т Шкип ертең Қазақстан құрамасы қалай ойнайтынын айтып берді

Футболдан Қазақстан ұлттық құрамасының бас бапкері Джон ван ’т Шкип ертең, 26 қыркүйекте UEFA Ұлттар лигасы аясындағы Фарер аралдарымен кездесуге қатысты ой-пікірін білдірді, деп хабарлайды Sport12.kz.

Бұл жөнінде бас бапкер ойын алдында өткен баспасөз мәслихатында айтып берді.

Бұл ойын Қазақстан уақытымен 21:00-де басталып, «Qazsport» телеарнасынан тікелей эфирде көрсетіледі.

Кездесу барысында мальталық Ишмаэл Барбара бас төреші міндетін атқарса, оған отандастары Люк Портелли мен Джеймс Мускат көмекшілік жасайды.

- Біз доп додасына дайындық барысында бір аптадай бұрын Астанада бас қостық. Ойыншылар арасында жарақат алған футболшылар анықталды. Олардың оқу-жаттығу жиынына жарақатпен келгені белгілі болды. Бұл ойыншылардың денсаулық жағдайын саралап, кейбірі алдағы ойындардан босату жөнінде шешім қабылдай алдық. Қалғаны алдағы матчтарға дайындығын пысықтап жатыр, - деді бас бапкер.

Сондай-ақ бас бапкер ұлттық құраманың Фарер аралдарына қалай ұшып келгені жөнінде әңгімелеп берді.

- Ұшақпен кешігіп ұштық. Ол жайында хабар берген сәтте қайтадан қонақ үйге бардық. Сол жерде толықтай демалып, кішігірім үзіліс алуды жөн көрдік, - деді ол.

Бас бапкер баспасөз мәслихатында шабуыл шебіндегі мәселелер жөнінде айтып берді.

- Иә, ұлттық құрамадағы маңызды ойыншылардың жарақат алып қалғаны белгілі. Атап айтқса, Дастан Сәтпаевтың кішігірім жарақаты бар. Дастан Сәтпаевтың қалпына келуіне әлі уақыт керек. Ислам Чесноков та бізге көмектесе алмайды. Максим Самородов та соңғы ойында жарақат алған. Бұл жас футболшыларға мүмкіндік береді, - деді бас бапкер.

Нидерландтық маман Қазақстан құрамасының Фарер аралдары арасындағы кездесулер статистикасы мәселесіне жауап берді.

- Өздеріңіз білетіндей, Фарер аралдары соңғы ойындарда жақсы нәтиже көрсетіп келеді. Бұл құрама қарымта шабуылға өте жылдам шығады. Қос қанаттан пас шығарып, оны керемет пайдалана алады. Оған қоса айып соққысына көңіл бөледі. Оқу-жаттығу жиынында біз оған дайындалдық, - деді бас бапкер.

Баспасөз мәслихатында бас бапкер қақпашылар мәселесі жөнінде ой-пікірін білдірді.

- Бұл жөнінде қақпашылар бапкерімен кеңесіп тұрамын. Нақты шешімді өзім қабылдаймын. Ешкімге нақты құрамдағы орнына кепілдік берілмеген. Олар өздерін дәлелдей білкуі тиіс. Журналистер тарапынан қызылордалық "Қайсардың" қақпашысы Нұрымжан Салайдын туралы сауалдар жиі қойылады. Мен ол жайында білемін, ол - өте тәжірибелі футболшы, оның көп сейв жасағаны негізінен командасына байланысты. Қақпасына көп соққы бағытталады. Ұлттық құрамаға шақырылған төрт қақпашының да деңгейі жоғары деп бағалаймын, - деді бас бапкер.

Біздің серіктес: Sport12kz