Конференция лигасы: «Рига» - «Қайрат» кездесуінің негізгі құрамы белгілі болды

UEFA Конференция лигасы бірінші турындағы «Рига» (Рига, Латвия) - «Қайрат» (Алматы, Қазақстан) кездесуіндегі негізгі құрам ойыншылары белгілі болды, деп хабарлайды Sport12.kz.

Бұл кездесу Қазақстан уақытымен 21:35-те Латвия астанасы Рига қаласындағы «Сконто» стадионында басталады.

Ойын барысында бас төреші міндеті албаниялық Флориан Лятаға жүктелсе, оған Эринд Бургу мен Илир Тартарай көмектеседі. Төртінші төреші де сол елдің өкілі – Анди Кочи. Ал VAR төрешісі Крешник Барьямай болса, AVAR төрешісі міндетін Ольсион Изейрай атқарады.

«Рига»: Кенан Пирич (Қ) – Максим Тонишев, Карл Вассом, Баба Муса, Райвис Юрковскис (К) – Яго Сикейра, Ахмед Анкра, Салах Улад – Мейсса Диоп, Раки Ауани, Мухаммед Бадамоси;

Қосалқы құрам: Марцис Казайнис (Қ), Френкс Оролс (Қ) – Антоний Черномордый – Самуэл Педру, Коли Сако – Абдулрахман Тайво, Режиналдо Рамирес;

Бас бапкер: Адриан Гуля.

«Қайрат»: Темірлан Анарбеков (Қ) – Луиш Мата, Александр Мартынович (К), Александр Широбоков, Еркін Тапалов​ – Яакко Оксанен, Густаво Мендонса, Ойва Юккола, Александр Мрынский – Эдмилсон, Марк Гуаль​;

Қосалқы құрам: Шерхан Калмұрза​ (Қ) – Лев Кургин, Дамир Қасаболат – Әділет Садыбеков, Олжас Байбек, Мұхамедали Әбіш, Азамат Тұяқбаев​ – Манұр Бірқұрманов, Исмаил Бекболат;

Бас бапкер: Рафаэль Уразбахтин.

«Рига» – Латвияның бай клубтарының бірі. Ел астанасы – Рига қаласының атынан сынға түседі. 2015 жылы құрылған команда сол уақыттан бері төрт мәрте ел чемпионы атағын жеңіп алса, екі мәрте ұлттық кубокты төбесіне көтеріді. Соған қарамастан қазірге дейін еурокубок ойындарында негізгі кезеңге шыға алған жоқ.

Біздің серіктес: Sport12kz