Конференция лигасы: «Қайрат» «Ригамен» кездесуде жылдам гол соқты

Футболдан UEFA Конференция лигасы бірінші турындағы «Рига» (Рига, Латвия) - «Қайрат» (Алматы, Қазақстан) кездесуінде есеп ашылды, деп хабарлайды Sport12.kz.

Ойынның небәрі 1-минутында латвиялық команда өзінің айып алаңында тәртіп бұзды. Нәтижесінде олардың қақпасына белгіленген пенальтиден қазақстандық клубтан марк Гуаль мүлт кеткен жоқ.

Ойын барысында бас төреші міндеті албаниялық Флориан Лятаға жүктелсе, оған Эринд Бургу мен Илир Тартарай көмектеседі. Төртінші төреші де сол елдің өкілі – Анди Кочи. Ал VAR төрешісі Крешник Барьямай болса, AVAR төрешісі міндетін Ольсион Изейрай атқарады.

«Рига» – Латвияның бай клубтарының бірі. Ел астанасы – Рига қаласының атынан сынға түседі. 2015 жылы құрылған команда сол уақыттан бері төрт мәрте ел чемпионы атағын жеңіп алса, екі мәрте ұлттық кубокты төбесіне көтеріді. Соған қарамастан қазірге дейін еурокубок ойындарында негізгі кезеңге шыға алған жоқ.

Біздің серіктес: Sport12kz