Футболдан Бірінші лигада «Тұран» өз алаңында «Шахтерден» басым түсті

Футболдан Бірінші лиганың ХХV турын «Тұран» (Түркістан) - «Шахтер» (Қарағанды) командалары түйіндеді, деп хабарлайды Sport12.kz.

Командалар биыл алдына қойған мақсатын толық орындап, бірнеше тур бұрын Премьер-лига жолдамасына қол жеткізді. Соған қарамастан жанкүйерлер тарапынан бұл кездесуге қызығушылық ерекше болды. Қарағандылық команда ойын барысында негізінен жастарға сенім артты.

Кездесу тағдырын шешкен жалғыз голды 70-минутта Матвей Герасимов өзінің еншісіне жазды.

Осылайша «Тұран» қарсыласынан 1:0 есебімен басым түсті

Ойындар нәтижесі

15 қазан

«Арыс» (Түркістан облысы) - «Академия Оңтүстік» (Шымкент) 1:0

«Астана-2» - «Елімай-2» (Семей) 7:1

«Тобыл-2» (Қостанай) - «Жайық» (Орал) 4:1

«Хан тәңірі» (Алматы) - «Ақтөбе-2» 2:1.

16 қазан

«Қайрат-2» (Алматы) - «Батыр» (Павлодар облысы) 2:0

«Тараз» - «Каспий-2» (Ақтау) 5:0

«Тұран» (Түркістан) - «Шахтер» (Қарағанды) 1:0

Бірінші лигада 25-турдан кейін «Шахтер» 65 ұпаймен көш басына жайғасса, одан кейінгі орындардағы «Қайрат-2» клубының 60, «Тұранның» 54 ұпайы бар.

Енді соңғы тур ойындары 22 қазанға белгіленген.

Еске салсақ, Петропавлдың «Қызылжар» командасының басшылығы Әлішер Апсалямовты алмастыратын үміткерлерді тізімін жасақтай бастады.

Біздің серіктес: Sport12kz