«Борнмут» «Миланды» ойсырата ұтты

Италияның «Милан» клубы Еуропа лигасының жалпы кезеңіндегі үшінші турда Англияның «Борнмут» командасына сырт алаңда ірі есеппен есе жіберді, деп хабарлайды Sport12.kz.

Кездесу 3:0 есебімен «Борнмуттың» пайдасына аяқталды. Матчтың 7-минутында Джастин Клюйверт пенальтиден гол соғып, алаң иелерін алға шығарды. Ал 28-минутта «Миланның» қақпашысы Майк Меньян қызыл қағаз алып, командасын азшылықта қалдырды.

32-минутта Маркус Тавернье пенальтиден есепті еселеді. Ал 84-минутта Амин Адли кездесудің соңғы голын соғып, «Борнмуттың» ірі жеңісіне нүкте қойды.

Осы жеңістен кейін «Борнмут» тоғыз ұпай жинады. Ал «Миланның» үш матчтан кейін үш ұпайы бар.

Біздің серіктес: Sport12kz