5 күн бұрын
2027 жылғы хоккейден әлем чемпионатында топтарға өзгеріс енгізілді
Фото: iihf.com
Халықаралық хоккей федерациясы (ИИХФ) ресми сайтында Дюссельдорф пен Мангейм (Германия) қалаларында өтетін 2027 жылғы әлем чемпионатында құрамалардың топтарға орналасу жөнінде мәлімет шықты, деп хабарлайды Sport12.kz.
Ұлттық құрамаларды топтарға бөлу халықаралық хоккей федерациясының рейтингіндегі орынға сәйкес қатаң түрде жүзеге асырылады. Алғашқы құрама А тобында бірінші, екіншісі В тобында бірінші, үшіншісі А тобында екінші орналасады.
Алайда ұйымдастырушылық мақсатта өзгерістер болуы мүмкін. Чемпионат өтетін елдердің құрамасы әдетте финал белгіленген бірінші қалаға қойылады. Осылайша, Германия А тобына, Словакия В тобына орналастырылды.
А тобы: Швейцария, Финляндия, Швеция, Германия, Латвия, Австрия, Словения, Украина.
В тобы: Канада, АҚШ, Чехия, Словакия, Дания, Норвегия, Қазақстан, Венгрия.
Біздің серіктес: Olimpbet қосымшасын пайдалан
