Хоккейден Қазақстан чемпионатында «Торпедо» «Сарыарқадан» басым түсті 

Шайбалы хоккейден Қазақстан чемпионатында Қарағандыда жергілікті «Сарыарқа» Өскеменнің «Торпедо» командасына 2:3 есебімен жеңіліп қалды, деп хабарлайды Sport12.kz.

Алғашқы кезеңде «Сарыарқа» сапынан Артём Лихотников пен «Торпедо» қатарынан Диас Гусейнов бір шайбадан соқты. Ойын соңына таман Эдгарс Сиксна қарағандылық клубты алға шығарды.

Екінші кезеңде өскемендік командадан Алексей Прохоров таразы басын теңестірсе, үшінші кезеңде командалар бір-бірінің қақпасынан саңылау таба алған жоқ.

Овертаймда жеңімпаз анықталмай, буллиттер сериясында Павел Жирнов мергендік танытты. Осылайша олар 3:2 есебімен жеңіске жетіп, кеше 0:2 есебімен жеңілісінің қарымтасын қайтарды.

Енді «Сарыарқа» 16 қыркүйекте сырт айдында «Алматымен» кездессе, 17 қыркүйекте Өскеменде «Торпедо» Петропавлдың «Құлагерін» қабылдайды.

Біздің серіктес: Sport12kz