Шайбалы хоккейден Қазақстан әйелдер құрамасы Жапонияға аттанады

Шайбалы хоккейден Қазақстан әйелдер құрамасы 2026 жылғы Азия чемпионатына қатысады, деп хабарлайды Sport12.kz.

Бұл жөнінде Қазақстан хоккей федерациясы мәлім етті.

Құрлықтық дода 15-18 қазан аарлығында Жапонияның Саппоро қаласында өтеді. Онда отандастарымыз Қытай, Оңтүстік Корея және Жапониямен шеберлік байқасады.

Халықаралық хоккей рейтингінде Жаония құрамасы сегізінші орында тұр. Ал Қытай 14, Оңтүстік Корея 18, Қазақстан 22 орынға жайғасқан.

Құрлықтық дода биыл үшінші мәрте жалауын көтереді. Былтыр Өскемен қаласында өткен жарыста Қазақстан қола жүлдегер атанған еді. Сондай-ақ олар 2024 жылы Қытай астанасы Бейжің қаласында да дәл осындай жетістікке жеткен еді.

Отандастарымыз Алматыдағы ҚР Туризм және спорт министрлігінің Спорт және дене шынықтыру істері комитетіне қарасты Олимпиадалық даярлау орталығында оқу-жаттығу жиынын өткізіп жатыр.

Жиын барысында спортшылар мұз үстіндегі жаттығулармен қатар жалпы дене дайындығынан өтеді. Оқу-жаттығу жиыны 11 қазанға дейін жалғасады. Одан кейін құрама Жапонияға аттанып, дайындықты сол жерде жалғастырады.

Айта кетсек, астаналық «Барыс» Құрлықтық хоккей лигасының тұрақты чемпионатында Мәскеуде «Спартакты» буллиттер сериясында жеңді.

Біздің серіктес: Sport12kz