ҚХЛ дағдарысқа тап болған клубты сақтап қалудың жолын іздейді

Құрлықтық хоккей лигасының (ҚХЛ) басшылығы «Лада» клубын қаржыландыру мәселесіне байланысты Самара облысының жетекшілерімен кездесуді жоспарлап отыр, деп хабарлайды Sport12.kz.

«Жағдай оңай емес. Келесі аптада аймақ басшылығымен кездесу жоспарланған, сондықтан мәселе нақтыланады. Алайда сіздер губернатордың команданың жұмысын жалғастыратыны туралы мәлімдемесін естідіңіздер. Сондықтан бәрі жақсы болады деп үміттенеміз. Бірлескен күш-жігеріміздің арқасында қалыптасқан жағдайдан шығудың жолын табамыз», – деді ҚХЛ президенті Алексей Морозов.

Қазан айында «Лада» клубының бас демеушісі саналатын «Полипласт» компаниясы клуб құрылтайшыларының құрамынан толықтай шықты. Бұған компанияның негізгі қаржылық жүктемені жалғыз көтеруге мәжбүр болуы себеп болған. Ал Самара облысы бірлесіп қаржыландыру жөніндегі міндеттемелерін толық орындамаған.

Бұған дейін маусым барысында клуб қызметкерлерге жалақы төлеудің кешігуіне, ҚХЛ чемпионатынан шығарылу қаупіне және логистикалық компаниялардың жүздеген миллион рубль көлеміндегі сот талаптарына тап болған еді.

Біздің серіктес: Sport12kz