Қазақстан құрамасының шабуылшысы «Тұранға» ауысты

Абылайхан Жұмабек «Тұран» ойыншысы атанды.

Абылайхан — Тараз футбол мектебінің түлегі. Кәсіби мансабында «Тараз», «Ақтөбе» және «Жетісу» сынды командаларда ойнаған.

21 жасқа дейінгі Қазақстан құрамасында 7 матчта алаңға шығып, 3 гол соққан. Сондай-ақ, ұлттық құрама жейдесінде 2 ойын өткізген.

23 жасар шабуылшы клубтық деңгейдегі жалпы саны 88 ойында 19 гол соғып, 7 нәтижелі пас берген.

Еске салсақ, түркістандық клуб Қазақстан Премьер-лигасының 1-туры аясында өз алаңында «Оқжетпесті» қабылдайды. Аталған ойын 2 наурыз, сағат 16:00-ге жоспарланған.

Біздің серіктес: Olimpbet қосымшасын пайдалан