Ербол Мырзабосынов Құрылтай депутаттарын сайлауда дауыс берді

Қазақстан Республикасының Туризм және спорт министрі Ербол Мырзабосынов Құрылтай депутаттарын сайлауда дауыс берді деп хабарлайды Sport12.

Министр сайлауға қатысудың маңызына тоқталып, жаңа өкілді органды қалыптастыруға әр азаматтың атсалысуы маңызды екенін атап өтті.

«Бүгін Қазақстанның саяси дамуындағы маңызды кезең. Сайлауға қатысу - азаматтық жауапкершіліктің көрінісі әрі әр азаматтың ел болашағына өз үлесін қосу мүмкіндігі», – деді Ербол Мырзабосынов.

Сондай-ақ дауыс беруге Туризм және спорт министрлігінің қызметкерлері, еліміздің өңірлеріндегі спорт және туризм саласының өкілдері қатысып жатыр.

Шетелде жүрген қазақстандық спортшылар, жаттықтырушылар мен сала мамандары да өздерінің азаматтық құқықтарын пайдаланып, Қазақстанның дипломатиялық өкілдіктері жанынан ашылған сайлау учаскелерінде дауыс беруде.

Осылайша, спорт және туризм қауымдастығының өкілдері еліміздің өзге азаматтарымен бірге Құрылтай депутаттарын сайлауға қатысып жатыр.

Біздің серіктес: Sport12kz