Еркебұлан Тоқтардың келесі қарсыласы белгілі болды

Қазақстандық ММА жауынгері әрі актер Еркебұлан Тоқтар Алматыда өтетін IBA Nomad 15 турнирінде ресейлік Артем Тарасовқа қарсы жекпе-жек өткізеді, деп хабарлайды Sport12.kz Nomadfighting-ке сілтеме жасап.

Жартылай орта салмақтағы кездесу 4 шілде күні өтеді.

«Еркебұлан Тоқтар – Артем Тарасов | жартылай орта салмақтағы жекпе-жек.

IBA NOMAD 15 турниріндегі көптен күткен қарсыласу, онда файтерлер барлық мәселесін рингте шешпек.

Екі спортшы да көрермендерге тартысты айқас пен нағыз шоу сыйлауға дайын», – делінген ресми постерде.

Еркебұлан Тоқтар соңғы жекпе-жегін 28 наурызда Ереванда өткен Hype Asia турнирінде өткізді. Ол ММА қолғаптарымен бокс ережесі бойынша өткен кездесуде қырғызстандық Марсель Нұрланбек уулуға төрешілердің бірауызды шешімімен есе жіберді.

Ал Артем Тарасов — спорт блогері әрі ММА жауынгері. Ол ТМД елдеріндегі поп-ММА индустриясының алғашқы өкілдерінің және басты тұлғаларының бірі ретінде танымал.

Конор Макгрегор Ресейде жекпе-жек өткізуі мүмкін

Біздің серіктес: Olimpbet қосымшасын пайдалан