Қазақстандық шахматшы қыздар 6 дүркін Олимпиада чемпиондарымен тең түсті

Шахматтан Самарқанд қаласында өтіп жатқан 46-шы Олимпиаданың жетінші туры көпшіліктің қызығушылығын тудырды, деп хабарлайды Sport12.kz.

ҚР Туризм және спорт министрлігі Спортты дамыту дирекциясының баспасөз қызметінің хабарлауынша, қатарынан 6 жеңіске жеткен Қазақстан мен Қытай құрамалары өзара кездесті.

Еліміздің атынан 16 жастағы Елназ Қалиахмет бесінші жеңісіне қол жеткізсе, үшінші үстелде ойнаған Меруерт Камалиденова қарсыласына есе жіберді. Ал Бибісара Асаубаева мен Алуа Нұрман өз партияларында жеңімпазды анықтай алмады. Қорытынды есеп - 2:2.

Әйелдер. 189 команда

1. Қытай – 13 ұпай (6 жеңіс, 1 тең ойын)

2. Қазақстан – 13 ұпай (6 жеңіс, 1 тең ойын)

Қазақстан - Қытай – 2:2

Тең ойын: Бибісара Асаубаева – Чжу Цзиньэр

Тең ойын: Алуа Нұрман – Сонг Юсинь

Жеңіліс: Меруерт Камалиденова – Мяойи Лу

Жеңіс: Елназ Қалиахмет – Ян Тяньци

Ерлер арасында Қазақстан құрамасы Сербияға төтеп бере алмады. Қарсылас құрамында 2023 жылы Ресейден ауысып барған Алексей Сарана мен Александр Предке де өнер көрсетті.

Open. 205 команда

Қазақстан - Сербия – 0,5:3,5

Жеңіліс: Денис Махнёв – Алексей Сарана

Жеңіліс: Сауат Нұрғалиев – Александр Инджич

Жеңіліс: Даниал Сапенов – Александр Предке

Тең ойын: Алдияр Аңсат – Велимир Ивич

Ертең 8-тур ойындары өтеді.

11 турдан тұратын жарыс 27 қыркүйек күні мәресіне жетеді.

Біздің серіктес: Sport12kz