Қазақстан әйелдер құрамасы шахмат Олимпиадасында күміс жүлде алды

Шахматтан 16-27 қыркүйек күндері аралығында Өзбекстанның Самарқанд қаласында рекордтық 400-ге жуық команданың қатысуымен өткен Олимпиадада қыздарымыз екінші мәрте қатарынан күміс жүлдеге ие болды, деп хабарлайды Sport12.kz

ҚР Туризм және спорт министрлігі Спортты дамыту дирекциясының баспасөз қызметінің хабарлауынша, Олимпиаданың шешуші 11-турында Қазақстан әйелдер құрамасы Польшамен жолықты. Осы ойында команда сапынан Елназ Қалиахмет жеңіске жетсе, екінші тақтадағы Алуа Нұрман бірінші мәрте жеңілістің ащы дәмін татты. Бибісара Асаубаева мен Меруерт Камалиденова қарсыластарымен тең түсті. Қорытынды есеп: 2:2.

Айта кетейік, 2024 жылы Мажарстанда өткен шахмат Олимпиадасында да аруларымыз өз тарихында бірінші мәрте күміс жүлдеге ие болған еді.

Әйелдер. 189 команда

1. Қытай – 20 ұпай (9 жеңіс, 2 тең ойын)

2. Қазақстан – 18 ұпай (7 жеңіс, 4 тең ойын)

3. Үндістан - 17 ұпай (7 жеңіс, 3 тең, 1 жеңіліс)

Ерлер құрамасы шешуші турда Вьетнаммен 2:2 есебімен тең түсті.

Open. 205 команда

1.Өзбекстан – 20 ұпай (10 жеңіс, 1 жеңіліс)

2. Үндістан - 18 ұпай

3. Германия - 18 ұпай

20-30-орын аралығы. Қазақстан - 15 ұпай (6 жеңіс, 3 тең, 2 жеңіліс)

Отандастарымыз қалай ойнады?

1-үстел. 22 жастағы Бибісара Асаубаева — 3 жеңіс, 7 тең

2-үстел. 19 жастағы Алуа Нұрман - 5 жеңіс, 4 тең, 1 жеңіліс.

3-үстел. 21 жастағы Меруерт Камалиденова — 3 жеңіс, 4 тең, 3 жеңіліс

4 үстел. 16 жастағы Елназ Қалиахмет — 3 жеңіс, 1 тең, 1 жеңіліс

Резерв. 16 жастағы Зарина Нұрғалиева — 2 жеңіс, 2 тең, 1 жеңіліс

2 шахматшымыз дебютті Олимпиадасын өткізді.

Қандай ерекшеліктер тіркелді?

Шахмат Олимпиадасы алғаш рет Өзбекстанда өтті.

1992 жылдан бері шахмат Олимпиадасына қатысып келе жатқан Қазақстан әйелдер құрамасы өз тарихында бірінші мәрте жарысты жеңіліссіз (7 жеңіс, 4 тең) аяқтады.

Бибісара Асаубаева 3 Олимпиадада қатарынан жеңіліссіз келе жатыр:

2026 жыл. 3 жеңіс, 7 тең

2024 жыл. 3 жеңіс, 6 тең

2022 жыл. 5 жеңіс, 6 тең.

Айта кетсек, бұдан бұрын Қазақстанның әйелдер құрамасы Самарқандта өтіп жатқан 46-шы шахмат Олимпиадасында Арменияны жеңіп, қатарынан төртінші жеңісіне қол жеткізді.

Біздің серіктес: Sport12kz