Криштиану Роналду үшін «Әл-Насрдың» ойыны шегерілуі мүмкін

Сауд Арабиясының «Әл-Наср» футбол клубы Азия Чемпиондар лигасының ойынын Иран астанасы Тегераннан басқа қалада өткізу туралы ұсыныс жасады.

Клуб басшылығы басты жұлдызы Криштиану Роналдудың қауіпсіздігіне алаңдаулы.

2023 жылдың қыркүйек айында «Әл-Наср» мен «Эстегляль» арасында өткен Тегерандағы ойыннан кейін, Роналду қоныстанған қонақ үй маңында жергілікті жанкүйерлердің қатысуымен жаппай тәртіпсіздіктер болған еді.

БАҚ көздерінің ақпаратына сенсек, Азия футбол конфедерациясы «Әл-Насрдың» бұл өтінішін қабылдауға асығар емес.

Аталған ойын құшағына 78 мың жанкүйер сыйдыра алатын «Азади» стадионында өтуі керек. Кездесу 3 наурыз сағат 21:00-ге жоспарланған.

Біздің серіктес: Olimpbet қосымшасын пайдалан