Билли Джин Кинг кубогы. қазақстандық теннисшілердің алғашқы матчы қашан өтеді?

Billie Jean King Cup ұйымдастырушылары 22-27 қыркүйек аралығында Shenzhen Bay Sports Centre Arena кешенінде өтетін командалық әлем чемпионатының шешуші кезеңінің толық кестесін жариялады, деп хабарлайды Sport12.kz.

2026 жылғы Billie Jean King Cup by Gainbridge турнирінің финалдық кезеңі Шэньчжэнь қаласында турнирдің 11 дүркін чемпионы Чехия құрамасы мен 2025 жылғы жарыстың жартылай финалисі Ұлыбритания құрамасының кездесуімен басталады. Ашылу матчы 22 қыркүйекте өтеді.

Испания мен Қазақстан құрамалары арасындағы ширек финалдық кездесу 23 қыркүйек, сәрсенбі күні өтеді.

Турнирлік кестенің жоғарғы бөлігіндегі екі ширек финал да 24 қыркүйекте ұйымдастырылады. Күндізгі сессияда Украина мен Бельгия құрамалары кездессе, кешкі сессияда жарыс қожайындары Қытай құрамасы қазіргі екі дүркін чемпион Италия командасымен ойнайды.

Биыл әйелдер арасындағы командалық әлем чемпионатына рекордтық көрсеткіш — 148 ұлттық құрама қатысты.

Матчтардың толық кестесі (уақыт Қытайдың стандартты уақытымен — CST көрсетілген):

22 қыркүйек (сейсенбі)

Чехия — Ұлыбритания (17:00) — ширек финал 1

23 қыркүйек (сәрсенбі)

Испания — Қазақстан (17:00) — ширек финал 2

24 қыркүйек (бейсенбі)

Украина — Бельгия (10:00) — ширек финал 3

Қытай — Италия (17:00-ден ерте емес) — ширек финал 4

25 қыркүйек (жұма)

Жартылай финал 1 (17:00)

Ширек финал 1 жеңімпазы — Ширек финал 2 жеңімпазы

26 қыркүйек (сенбі)

Жартылай финал 2 (17:00)

Ширек финал 3 жеңімпазы — Ширек финал 4 жеңімпазы

27 қыркүйек (жексенбі)

Финал (17:00)

Финалдық кезеңдегі әрбір кездесу үш матчтан тұрады: екі жекелей ойын және бір жұптық матч. Барлық кездесулер тай-брейкпен аяқталатын үш сетке дейінгі форматта өткізіледі.

Еске салсақ, бұдан бұрын ATP Бубликтің жаңартылған рейтингтегі орнын жариялады.

Біздің серіктес: Olimpbet қосымшасын пайдалан