18 сағат бұрын
Зангар Нұрланұлы Уимблдонның үшінші айналымына шықты
Фото: Қазақстан теннис федерациясы
Қазақстандық теннисші Зангар Нұрланұлы жасөспірімдер арасындағы Уимблдон-2026 турнирінде екінші жеңісіне қол жеткізді, деп хабарлайды Sport12.kz.
World Tennis жасөспірімдер рейтингінің тоғызыншы ракеткасы екінші айналымда әлемдік рейтингте 33-орында тұрған аустралиялық Даниэль Йовановскимен кездесті.
Матч екі сетке созылып, Нұрланұлының 6:1, 6:1 есебімен сенімді жеңісімен аяқталды. Теннисшілер кортта 55 минут өткізді.
Осылайша, Зангар Нұрланұлы жасөспірімдер арасындағы Уимблдон-2026 турнирінің үшінші айналымына жолдама алып, келесі кезеңде германиялық теннисші Венсан Рейсахпен кездеседі.
Ал қазақстандық тағы бір жасөспірім Дамир Жалғасбай жекелей сындағы жарысын екінші айналымда аяқтады. Дегенмен, ол Уимблдон-2026 турнирінің жұптық сынында өнер көрсетуін жалғастырады.
Еске салсақ, Дамир Жалғасбай Уимблдон-2026 турнирінің тағы бір санатында екінші айналымға жолдама алды.
Біздің серіктес: Olimpbet қосымшасын пайдалан
