23 сағат бұрын
Александр Бублик Швейцариядағы турнирді екінші айналымда аяқтады
Фото: Қазақстан теннис федерациясы
Қазақстанның ерлер арасындағы жекелей сындағы бірінші ракеткасы Александр Бублик Швейцарияның Гштаад қаласында өтіп жатқан ATP 250 санатындағы турнирдің екінші айналымында жеңіліс тапты, деп хабарлайды Sport12.kz.
Әлемдік рейтингте 11-орында тұрған қазақстандық теннисші әлемнің 90-ракеткасы, франциялық Кентен Галимен кездесті.
Матч үш сетке созылып, Бубликтің 7:6 (7:4), 4:6, 6:7 (5:7) есебімен жеңілуімен аяқталды.
Теннисшілер кортта 2 сағат 23 минут өткізді. Осы уақыт ішінде Александр 13 эйс жасап, алты рет қос қателікке жол берді және өзі иеленген екі брейк-пойнттың бірде-біреуін пайдалана алмады.
Осылайша, қазақстандық теннисші Гштаадтағы турнирдегі өнерін аяқтап, өткен жылғы чемпиондық атағын қорғай алмады.
Еске салсақ, бұдан бұрын қазақстандық теннисші Әмір Омарханов (ATP рейтингінде 641-орын) Тунистің Монастир қаласында өтіп жатқан ITF M15 турнирінің ширек финалына жолдама алды.
Біздің серіктес: Olimpbet қосымшасын пайдалан
