6 сағат бұрын
Тимофей Скатов ATP 250 турнирін жеңіспен бастады
Фото: Қазақстан теннис федерациясы
Қазақстандық теннисші Тимофей Скатов Португалияның Эшторил қаласында өтіп жатқан ATP 250 санатындағы топырақ төсенішіндегі турнирдің бірінші айналымында жеңіске жетті, деп хабарлайды Sport12.kz.
Әлемдік рейтингте 163-орында тұрған және негізгі кезеңге lucky loser (басқа қатысушының жарыстан бас тартуына байланысты) мәртебесімен өткен спортшы алғашқы айналымда әлемнің 98-ракеткасы, нидерландтық Йеспер де Йонгпен кездесті.
Кездесу үш сетке созылып, Скатовтың ерік-жігерінің арқасында 1:6, 6:4, 6:3 есебімен жеңісімен аяқталды.
Теннисшілер кортта 2 сағат 29 минут өткізді. Осы уақыт ішінде Тимофей бірде-бір эйс жасаған жоқ, үш рет қос қателікке жол берді және сегіз брейк-пойнттың бесеуін сәтті пайдаланды.
Осылайша, Тимофей Скатов Португалиядағы турнирдің екінші айналымына жолдама алып, онда әлемнің 14-ракеткасы әрі турнирдің бірінші нөмірлі ойыншысы, ресейлік Андрей Рублевке қарсы ойнайды.
Еске салсақ, бұдан бұрын Құламбаева WTA 250 турнирінің финалында жеңіліп қалды.
Біздің серіктес: Olimpbet қосымшасын пайдалан
