Рыбакинаның жартылай финалдағы қарсыласы белгілі болды

Бүгін, 24 қазанда қазақстандық теннисші Елена Рыбакина (WTA рейтингінде 1-орын) Қытайдың Нинбо қаласында өтіп жатқан WTA 500 санатындағы турнирдің жартылай финалында ресейлік Диана Шнайдермен (13-орын) кездеседі, деп хабарлайды Sport12.kz.

Рыбакина мен Шнайдер арасындағы матчтың тікелей трансляциясы Астана уақытымен сағат 14:30-да басталады.

Қазақстандық теннисші турнир барысында екі жеңіске жетті. 1/8 финалда ол өзбекстандық Полина Кудерметованы (105-орын) жеңіп жатқанда, қарсыласы бірінші сетте кездесуді жалғастырудан бас тартты. Ал ширек финалда Рыбакина польшалық Катажина Каваны (128-орын) 6:1, 3:6, 6:1 есебімен ұтты.

Диана Шнайдер де турнирде үш жеңіске қол жеткізді. Ол қазақстандық Юлия Путинцеваны (66-орын) 7:5, 7:6 есебімен, филиппиндік Александра Эаланы (20-орын) 7:5, 6:4 есебімен және америкалық Ива Йовичті (12-орын) 6:3, 4:6, 6:1 есебімен жеңді.

Біздің серіктес: Sport12kz