5 сағат бұрын
Дияр Аманәліге шетелдік көлік тарту етілді
Фото: Қазақстан ҰОК
Бакуде өткен 17 жасқа дейінгі спортшылар арасындағы Әлем чемпионатында грек-рим күресінен алтын медаль жеңіп алған Дияр Аманәліге туған жерінде құрмет көрсетілді, деп хабарлайды Sport12.kz.
М. Сапарбаев атындағы Парасат колледжінің президенті, Орталық Азия инновациялық университетінің құрылтайшысы, экономика ғылымдарының кандидаты, доцент Марат Сапарбаев әлем чемпионына Changan маркалы кроссовер автокөлігін, жоғары оқу орнында білім алуға арналған грант және ақшалай сыйлық тарту етті.
Сонымен қатар, Дияр Аманәліге 1 миллион теңге, ал оны жарысқа дайындаған бапкерлеріне 500 мың теңгеден ақшалай сертификат берілді.
Еске салсақ, бұдан бұрын Қазақстандық балуандар Түркиядағы турнирде үш медаль жеңіп алды.
Біздің серіктес: Sport12kz
