Ақтөбедегі жеңістерден кейін қазақстандық боксшылардың рейтингі өзгерді

Қазақстандық боксшылар Ақтөбеде өткен кәсіпқой бокс кешінде өзбекстандық қарсыластарын жеңгеннен кейін BoxRec рейтингіндегі орындарын жақсартты, деп хабарлайды Sport12.kz.

Қанат Сәңгіл (10-0, 4 KO) Шахзодбек Шаробиддиновты (8-4, 4 KO) төрешілердің бірауыздан шығарған шешімімен жеңіп, екінші жеңіл салмақтағы рейтингте 84-орыннан 69-орынға көтерілді.

Нұртас Әжбенов (15-2, 5 KO) Бүргіт Ходжибоевты (10-14, 15 KO) бірінші раундта нокаутқа түсірді. Осы жеңістен кейін ол жеңіл салмақтағы рейтингте 308-орыннан 303-орынға көтерілді.

Асқат Жантұрсынов (12-1, 11 KO) Абдулазиз Матазимовты (15-19, 7 KO) екінші раундта мерзімінен бұрын жеңіп, аса ауыр салмақтағы рейтингте 202-орыннан 194-орынға жайғасты.

Ал Нұрдос Төлебай (16-0, 11 KO) Джохонмурод Имомалиевті (2-1, 2 KO) төртінші раундта нокаутқа түсірді. Осылайша, бұған дейін рейтингте белсенді емес боксшы ретінде көрсетілген қазақстандық орта салмақтағы тізімге қайта оралып, 98-орынға орналасты.

Айта кетейік, Ақтөбедегі бокс кешінің басты жекпе-жегінде қазақстандық Армат Арманұлы (8-1, 6 KO) угандалық Шадири Муса Бвогиді (11-2, 5 KO) сегізінші раундта техникалық нокаутпен жеңді.

Біздің серіктес: Sport12kz